Hagen Werner, Kommandant

Werni, wännt i dr Füürweer wottsch reüssiere,
muesch für de Alarm öppis bessers usstudiere.
Anere Alarmüebig bisch drum no sälte choo,
obwohl de Statthalter und alles isch doo.
Defüür häscht a de Hauptüebig mit em Rösslispiel d'Rundi gmacht
und bisch dänn erscht am Schluss wieder erwacht,
wo di Uustienete alli händ müesse vor d'Räie staa.
Werni, wo häsch dänn au d'Wappeschiibe ghaa?

Brunner Fritz, Chef Pikett (Oblt)

Fritzli, wännt a d'Sitzige gaasch
und dis Schwöschterherz diheime lasch,
dänn settisch, au wänns brännt, de Chopf na bi dr haa
und s'Bier nöd nu zahle und uf em Tisch la staa.
Und diheime im Stall fèèlt öppis, du weisch nöd was,
findsch es eifach nöd use, s'isch nöd säb und s'isch nöd das.
De Veedokter mues here, de untersuecht und loset mit de Ohre,
bis er säit «jetzt han'is, s'isch eis ohni Schwanz geboore».

Lamprecht Albert (Lt)

Dä hölzig Unggle Lampi,
gaat bim Fritz uf iibruch uus.
Und hat er dänn so rächt de Plampi,
so bringt mer en schier nüme us em Huus.
Und wänn's na mee Charte und ztrinke hett,
so wärisch goppel hüt no dett.

Widmer Reini (Wm)

Im tiefen Keller beim Stägefässli,
mit Operettengesang und Ludrian,
machsch du Reini, au unsittlichi Gschpässli.
De Serviertochter wirds mängisch ganz warm,
doch au die wird sich wider erhole,
si verdient schliessli derbii ja en Huuffe Chole,
und mit Rollmops zum Zmorge,
vergönd alli Sorge.

Brunner Hans (Kpl)

Öppis ässe, ums Himmelswille näi!
Und Bier wotti grad au e käi!
Oder söll i wenigschtens d'Blüete nèè vo säbere Roose?
Oder häts am End no Rollmops-Soose?
Aber bringed mer dänn en Löffel zum Ässe,
ich ha bim Hagel dä chäibe Strèèl diheim vergässe.

Fürst Arnold (Kpl)

Noldi, du machisch schiints im Chnebeliweschte-Klub mit?
Drum tanzisch du perfäkt hütt jede Hit.
Sogar als Baschtler und Fotograf tuesch dich bewääre
und ganzi Gäldstuck abenand schèère.
Aber vo Natur uf bisch immer e chli en Theatermänsch gsii,
quasi en abverreckte Gloon vom Zirkus Knie.

Schai Albert (Kpl)

Du Hobby-Gärtner Schai, Du Fuchs bisch schlau,
bimeich, bim Jasse kännsch d'Karte au.
Nu bim Sunnigsdienscht laasch di andere öppe warte,
losisch ächt dänn wie d'Schnägge bälled im Garte?
Oder hocksch amigs diheim ganz tuuch
und lasch über dich ergaa de Familieschluuch?

Andrighetto Bruno

Was du heute kannst verschieben, das verschiebe nicht erst morgen,
häsch du Bruno so dänkt, wott hettisch selle dä Familieabig bsorge.
Oder häsch sit i d'RPK bisch choo,
scho de Bassersdorfer Behördetramp aagnoo?

Bolt Robert

Villsittig isch de Poschte vom Wirtschaftsminischterium,
alles striitet sich regelrächt da drum.
Doch bi dir Röbi, isch es ja in rächte Hände,
ganz sicher gits bi Dir dadure nüüt iizwände.
Doch wännt im Täller s'Gottlett muesch sueche,
da ghört mer aber eine flueche.
Da seisch du dir, <Robert, muesch improvisiere,
und blitzartig en Spuntewächsel organisiere.
Mer gönd sofort det here, wo mer chönd tue wie d'Säuli,
hei in Freiihof, zum Päuli>.

Brunner Heiri

Heiri, din Iisatz isch susch guet,
i allne Lage gsesch es klar.
Nu häsch e chli en vertruckte Huet,
tänk draa, s'isch öffentlichs Mobiliar.
Wänns aber e maal en Schluuch putzt hät,
dänn gseet mer de Heiri, s'isch zum Verrecke,
deet staa, als wänner grad i d'Hose gschisse het
und tuet em Major d'Hand herestrecke.

Bütikofer Erwin

Erwin, was tuesch au du für Gedanke hege,
us em Jassgäld wotsch es Ross go poschte.
Würdisch gschiider sälber dini Frau bewege,
dänn gits kein Ranze, dänn chunsch nöd z'roschte.

Casserini Alfred

Fassadechlättere und luege wies d'Schiibe vertschätteret,
wie s'Flachdach naa git und s'Füürli lätteret.
Du Gasi, im Trääner und in Ändifinke,
settsch dr amigs na e chli Muet aatrinke.
Dänn hettisch gar en eigne Sprutz zum Lösche,
bis s'Pigget chunnt, die laame Pösche.

Fredrizzi Peter

Was gwagglet so bedänkli?
Wer chunnt nur knapp ums Ränkli?
Was chlöpft und chratzet und tuet so verruckt?
S'isch de Peter wo am Füürweerauto en Gang inetruckt.

Grüter Max

Max, din Bart git eim zdänke,
nu de Samichlaus tuet susch so öppis a s'Muul here hänke.
Au bim Schiffaare chämisch no schnäller obenabe,
wänn du dich am Morge richtig tätisch schabe.
Als guete Raat na, tue d'Freihäit gnüsse
und mit em Hüraate nöd gar e so driischüüsse.

Hanselmann André

En Piggetmaa sett jederziit a d'Seck wänns mues sii,
seigs Wasser oder Füür, seigs gross oder chlii.
Aber du Anderas du häsch scho versäit,
gäll du häsch di keehrt und ufs anderi Ohr dich gleit.
Obwohls im Freiihof e Lampe hätt gloo,
trotz hereschloo, s'isch ere eifach nüme choo.

Helfrich Peter

Wänn vor em Leue en Autofahrer en Blöödsinn ablaat,
dänn muesch du Peter dem öppis go verzelle.
Muesch em säge, dass so öppis eifach nöd gaat,
susch chömer dich ja nie als Dorfpolizischt aastelle.

Hiltebrand Ewald

Du reisisch meini gärn uf Südamerikaa,
chan mer dänn nu deet guete Emmetaaler haa?
Oder tüends deet de Limmburger besser würze?
Oder gar Kaktus mit Igel chrüze?
Aber s'Bier trinksch doch gärn wieder bi eus,
nach der Üebig mängisch eis oder föif.
De Globi junior wär dänn höchschtens en Schatte,
so wirsch du uf eimaal en glatte.

Hug Albert

Huge Bert, lass dich beleere
und dänk an Rathgeb sini Leere.
Dänn de hät erfaarig, das dörf mer säge,
i Sache Läbeserfaarig isch er nöd verläge,
«Jasse dörfsch immer, das isch mir gliich,
aber <Säm> mache», säit de Walter, «da wirsch nüd riich».

Illi Walter

Em Material lueget de Illi Walter guet.
Gäll chasch nöd haa, wänn öppis fèèle tuet?
Wännt aber znacht muesch s'Ladegräät go sueche,
fangsch gliich es bitzeli aa mit flueche.
Und morndigs händ dr d'Närve no ganz duregrisse,
do häts gheisse, du hebisch de Hüni e so zämegschisse.

Kuratli Oswald

Im Bierchäller vom Oswals, s'isch chuum zum Fasse,
herrscht hitzigi Stimmig, s'chunnt vom Jasse.
Aber iiglueget häsch dänn wie no nie,
alles nu wäge dämm choge überzie.
jassisch halt nöd immer nu gäge die Laame,
da wärs vill besser, gängisch als Hamol-Reklame,
nur mit bimbele und bambele und heisere Stimme
isch gwüss Hagel nöt so chaibe vill zgwünne.

Lienhart Albert

De Abi chunnt a d'Üebig meischtens zspaat,
und au am halbi föifi bisch sälte scho paraat.
Im letschte Momänt nimmsch na dis roschtig Welo zwüsched Bei
und fangsch dänn no aa sueche, am Morge am zwei.
Muesch halt immer no sälber dini Vehikel schmiere,
will de Araber häsch müese spediere.
Doch am Sunntig machsch frei, de Gasi git der en Raat,
wie wärs e maal mit ere Suschtefahrt?

Röthlisberger Hans

Hans, a dim Geburtstag häts Fleischchääs gää,
en jede hät grad sälber chöne nää.
Au mit em trinke bisch gar nöd giizig gsii,
immer häts gheisse, schänk ii, schänk ii.
Nur mit em Sänf häsch nöd rächt welle userucke,
gäll häsch Angscht ghaa, si chönted’er vo dim eigne in Hosesack inedrucke?

Städeli Hans

Hans, häsch dini Lina züglet?
Samt Inventar mit em Tüüfgangwage,
Häsch di neue Chretz a de Möbel scho wieder uusbüglet?
Chan s'Pigget äntli e Kontrolle waage?

Wegher Mario

Mario, du Wiipuur us em Südtirol,
Dir isch es z'Bassersdorf meini choge wohl.
Wännd settisch da sii, bisch «Goffrischtuss» nöd ume,
sind ächt all soo vom EW wo schaffed bim Tuume?

* * * * * * * * * * * *

Altorfer Fritz

De Altorfer Fritz isch Gemeinderat,
im Gebühre höische glii paraat.
Bi de Waldhütte macht er sini Chole,
will er bi de Wiirte nöd vill cha go hole.
Dänn dä chunnt für de hüttig Abig mit 8 Franke 30 dervoo,
bi de Waldhütte muesch aber scho 30 Stei gheie loo.